KUPONA BUUMI BWA BUNAKRISTO
Jehova Ulabafwutula Aabo Bapengede Mumizeezo
Muntu uuli woonse ulaakulimvwa bubi zimwi ziindi. Kulimvwa bubi tacili citondezyo cakuti tunyina lusyomo muli Jehova. Amana buya, awalo Jehova wakaamba kuti zimwi ziindi inga ulaakulimvwa bubi. (Matl. 6:5, 6) Pele, ino mbuti kuti katulimvwa bubi ziindi zinji naa ciindi coonse buyo?
Amupaile kuli Jehova kuti amugwasye. Jehova ulabikkila maano kujatikizya mizeezo yesu alimwi ambotulimvwa. Ulizyi ciindi notukkomene aciindi notuuside. Ulamvwisya kaambo ncotuyeeya alimwi akulimvwa mbotulimvwa. (Int. 7:9b) Kuyungizya waawo, Jehova ulatubikkila maano alimwi inga watugwasya kuliyumya ciindi notuuside naa kutyompwa.—Int. 34:18.
Amwiikwabilile mizeezo yanu. Kulimvwa bubi takujatikizyi buyo mbotulimvwa pele kulacijatikizya cilongwe cesu a Jehova. Akaambo kaceeci, cilayandika kapati kuti katuukwabilila moyo wesu—buntu bwini bwamukati.—Tus. 4:23.
AMWEEBELELE KAVIDIYO KAKUTI BAKWESU MBOBAZUMANANA KUBA ALUUMUNO NOKUBA KUTI BACISWA BULWAZI BWAKUTYOMPWA, MPOONYA MWIINGULE MIBUZYO IITOBELA:
Ino nzintu nzi zyakabagwasya ba Nikki kuliyumya kubulwazi bwakutyompwa?
Nkaambo nzi ba Nikki ncobakalimvwa kuti bayandika busilisi?—Mt. 9:12
Muunzila nzi ba Nikki mobakasyoma Jehova?