Tulakonzya Kuleka Kusulaika Bamwi!

Ikuti naa nywebo tamuna, kweelede kuti mwakabona kale bantu ibasulaikwa munzila zisiyene-siyene. Kanji-kanji anyuuzi, tulamvwa malipooti aajatikizya bantu basulaikwa akaambo kakuzwa kucisi cimbi, mubala wabo naa akaambo kakoonana abantu mbobakozyenye limwi zizo. Akaambo kaceeci, mfwulumende zinji zyabikka milawo iizumizya kusubula muntu uucita micito yabugwebenga akaambo kakusulaika bantu bamwi.

Bantu basulaikwa, kanji-kanji abalo inga balatalika kusulaika bantu bamwi. Balacita oobo kutegwa bapilusye cibi kucibi calo cipa kuti kusulaikana kuzumanane.

Ambweni mwakasalululwa kale, kuyeeyelwa zintu zitali kabotu, kusampaulwa, kutukilwa naa kukongwa. Pele lusulo, kanji-kanji talugoleli buyo waawo. Lwalo lulakonzya kupa muntu uusulaika muntunyina kumulwana, kumupenzya, kumunyonyweeda zintu, kumucisa, kumujata naa kumujaya buya.

Magazini eeyi ilaingula mibuzyo eeyi iitobela mpoonya akutondezya mbotukonzya kuzunda penzi lyakusulaika bamwi:

• Nkaambo nzi ncokuli kusulaikana boobu?

• Mbuti mbotukonzya kumana penzi lyakusulaikana?

• Sena kuli ciindi kusulaikana nokuyoomana?