Amugwasyigwe Kapati Azifwanikiso

Mabbuku eesu alijisi zifwanikiso zinji izituyiisya twaambo tuyandika kapati. Aboobo, mbuti mbomukonzya kugwasyigwa kapati azifwanikiso eezyi?

• Amuzilange zifwanikiso zili mucibalo kamutanatalika kucibala. Eeci cilakonzya kumupa kuba aluyandisisyo lwakuyanda kucibala cibalo. Mbubwenya cakulya cilibonya kabotu mbocikonzya kumukwelelezya kuyanda kucilya, mbozibede azyalo zifwanikiso. Aboobo mulakonzya kulibuzya kuti, ‘Ino ndibwene nzi?’—Am. 7:​7, 8.

• Mwanoobala cibalo cimwi, amuzinzibale kuyeeya kaambo zifwanikiso zili mucibalo eeco ncozyakasalilwa. Mpoonya amubale majwi aali azifwanikiso naa bupanduluzi bwazifwanikiso kuti kabuliko. Amubone zifwanikiso eezyo mbozyeendelana akaambo kabandikwa alimwi ambomukonzya kuzibelesya mubuumi bwanu.

• Mwamana kubala, amubelesye zifwanikiso kwiinduluka twaambo tupati-pati tuli mucibalo. Mpoonya amufwinye akusola kuziyeeya zifwanikiso alimwi akaambo nkomwaiya mucifwanikiso cimwi acimwi.

• Mbuti kuti mwasola kulanga zifwanikiso zili mumagazini eeyi akubona naa inga mwatuyeeya twaambo ntomwaiya?