CIIYO 9
Amuzibelesye Kabotu Zitondezyo Ziboneka
Matalikilo 15:5
NCOMWEELEDE KUCITA: Amuzibelesye zitondezyo ziboneka kutegwa twaambo tuyandika kapati tulimvwisye alimwi kacitakatazyi kutuyeeya.
MBOMUKONZYA KUCITA OOBO:
Amusale zitondezyo ziboneka zyalo izikonzya kupa kuti kuyiisya kwanu kubote. Amubelesye zifwanikiso, zyakuzekaula, mamaapu, maccaati naa zintu zimwi buyo ikutondezya twaambo tuyandika kapati, ikutali twaambo tutayi koomoonga. Amubagwasye baswiilizi banu kuyeeya kaambo nkobaiya mucitondezyo eeco ikutali buyo kuyeeya citondezyo.
Amube masimpe kuti baswiilizi banu balakonzya kucibona citondezyo ncomubelesya.