Ncomukonzya Kucita Kuti Mwajalilwa

Sena mulimvwa kulendelelwa? Ikuti mbocibede oobo, andiza mulimvwide mbwaakalimvwa sintembauzyo iwakati: “Ndili mbuli kayuni kakkede kalikke aciluli caŋanda.” (Intembauzyo 102:7) Busongo bwamu Bbaibbele bulakonzya kumugwasya kulwana mapenzi aaboola akaambo kakuti mwakajalilwa.

• Amuyumye cilongwe canu a Leza

• Amubale zibalo zyuumbulizya zyamu Bbaibbele

• Amuzimvwisye ncozyaamba zintu zili mukucitika munyika

• Mutalibiliki kapati

• Amujane balongwe

• Amunyanyaasye mubili

Amuyumye cilongwe canu a Leza

Noliba leelyo nomujalilidwe, mulakonzya kujana lukkomano ikuti kamuzyi kuti muyandika kusololelwa a Leza mpoonya akubweza ntaamu iiyandika. (Matayo 5:3, 6) Zintu eezyi zitobela zitabbadelelwi zilakonzya kumugwasya.

• Bbaibbele lili aintaneti liluzi alimwi litakatazyi kubala

• Tuvidiyo tutondezya njiisyo zimwi ziyandika zyamu Bbaibbele

• “Mibuzyo Yamu Bbaibbele Yaingulwa”​—Bwiinguzi bugaminide bwamibuzyo njobavwula kubuzya bantu

• “Amwiiye Lusyomo Lwabo”​—Zibalo eezyi zimugwasya kweezyeezya zintu zyakacitikila baalumi abamakaintu basyomeka baambidwe mu Bbaibbele

• “Sena Cakalengwa Buya?”​—Zibalo eezyi zitondezya bubotu alimwi ambozipangidwe zilengwaleza

Amubale zibalo zyuumbulizya zyamu Bbaibbele

Magwalo aaya abawumbulizya bantu banji. Muciindi cakubala zibalo zinji aciindi comwe, amusole kubelesya ciindi nomujalilidwe kuzinzibala kuyeeya acibalo cimwi acimwi akupaila.​—Marko 1:35.

• Intembauzyo 23:1-6

• Intembauzyo 34:1-22

• Intembauzyo 46:1-11

• Intembauzyo 63:6-8

• Intembauzyo 91:1-6

• Matayo 6:25-34

• 2 Bakorinto 1:3, 4

• Bafilipi 4:6, 7

• 1 Petro 5:6, 7

Amumvwisye ncozyaamba zintu zili mukucitika munyika

Kutegwa muliyumye mubuyumuyumu buli boonse, mweelede kuzyiba kaambo zintu zibyaabi ncozicitika alimwi a Leza mbwayakuzimana.​—Isaya 65:17.

• Nkaambo nzi Leza ncazumizya kupenga?

• Ncinzi Bbaibbele ncolyaamba kujatikizya malwazi abuumi bubotu?

• Ino citondezyo camazuba aamamanino ncinzi?

• Ino mbaani basimabbiza bone baambidwe ku Ciyubunuzyo?

• Ino ncinzi ncobuyoocita Bwami bwa Leza?

Mutalibiliki kapati

Zibalo zijatikizya twaambo tutobela zilakonzya kumugwasya ciindi nomujalilidwe alimwi ‘akuleka kulibilika.’​—Matayo 6:25.

• Mbomukonzya kulwana penzi lyakulibilika kapati

• Kuzilanga kabotu zintu

• Kulibilika kujatikizya ntenda

• Kulibilika kujatikizya mali

• Kulibilika nkobaba ankuko bakubusi

Amujane balongwe

Balongwe balakonzya kumugwasya kuyeeya kabotu akulimvwa kabotu, alimwi buya balayandika kapati kuti kacitakonzyeki kubonana cantongola meso. Ikuti mwajalilwa aŋanda, mulakonzya kutumina balongwe banu kubelesya videoconferencing naa kubatumina jwi lyanu ndyomwalekkooda kutegwa muyumye cilongwe alimwi akutalika zilongwe zipya. Zibalo zitobela zilakonzya kumugwasya kujana “mulongwe mwini-mwini” akuba mulongwe uuli boobo.​—Tusimpi 17:17.

• Ino mulongwe uuli kabotu muntu uuli buti?

• Sena mweelede kuyungizya balongwe banu?

• Ino mbuti kuti mulimvwa kuti tamujisi balongwe?

• Amube balongwe bali kabotu kwiinda mukuba baabi

• Amube balongwe bali kabotu kwiinda mukuba bantu balumba

Amunyanyaasye mubili

Bbaibbele lyaamba kuti ‘zisobano ziyumya mubili zilagwasya.’ (1 Timoteyo 4:8, bupanduluzi buyungizyidwe) Zilakonzya kupa kuti mube abuumi bubotu, kwaambisya ciindi nomujalilidwe. Nokuba kuti mulijalilidwe kuŋanda, kuli zintu nzyomukonzya kucita kutegwa munyanyaasye mubili.

• Kamunyanyaasya mubili

• Amuyumye mubili amizeezo yanu