Ncobuyoocita Bwami bwa Leza Kujatikizya Mapenzi Aamali

Bantu banji munyika cilabakatazya kujana mali aakonzya kubagwasya kujana nzyobayandika, alimwi penzi eeli liyaabwiindila buya.

• Kweelana alipooti yakapegwa caino-ino,a mali ngobavwola bantu aceya kapati cakuti tabakonzyi kuula zintu nzyobayandika. Yakacenjezya kuti, ikuti kunyina kucinca kutiibe, kunooli lwaandaano lupati akati kabavwubi abacete, alimwi mikwasyi minji ilaindila buya kupenga.

Sena mfwulumende zilacikonzya kumanizya penzi eeli, naa kulicesya-cesya buyo?

Bbaibbele lilaamba kuti kuli mfwulumende iyoocikonzya kumana mapenzi oonse aajatikizya mali, akupa kuti toonse tukeelane. Lyaamba kuti “Leza wakujulu uyoobikka bwami,” nkokuti mfwulumende yomwe yalo iyakweendelezya zintu zyoonse anyika. (Daniele 2:44) Mubweendelezi oobu, kunyina uuyakulubwa naa kulekelezyegwa. (Intembauzyo 9:18) Bwami bwa Leza buyooba masimpe kuti bantu boonse balijisi zyoonse ziyandika kutegwa kabakkomene. Bantu boonse bayakwiikkomanina milimo yamaanza aabo.​—Isaya 65:21, 22.