Mbuti Mbomukonzya Kulizunda Penzi Lyakulendelelwa?

• “Cisela cabantu bakkala ku United States bajisi penzi lyakulendelelwa, kwaambisya bakubusi.”​—Bbuku litegwa Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Mbunga iitegwa World Health Organization naa WHO yakapa kabunga kabantu mulimo wakuvwuntauzya mbolili lipati penzi lyakulendelelwa, kukulwaizya bantu kubikkila maano kukupanga zilongwe abamwi, alimwi akujana nzila zibotu zyakulimana penzi eeli mumasi oonse, tacikwe makani naa balivwubide naa mbacete.”​—World Health Organization, November 15, 2023.

Bbaibbele lilapa lulayo lugwasya kujatikizya mbotukonzya kupanga zilongwe zibotu abamwi kutegwa katutalendelelwi.

Njiisyo zyamu Bbaibbele zikonzya kugwasya

Amucesye-cesye kucita zintu zikonzya kumuzandula kubantu bamwi. Zintu eezyi zibikkilizya kuciindizya kubelesya social media. Muciindi caboobo, amujane zyakucita zikonzya kupa kuti kamuyanzana abamwi cacigaminina alimwi akupanga zilongwe zini-zini.

• Njiisyo yamu Bbaibbele: “Mulongwe mwini-mwini ulatondezya luyando ciindi coonse alimwi ngomunyoko wakazyalilwa kuti akugwasye muziindi zyamapenzi.”​—Tusimpi 17:17.

Amuyandaule zyoolwe zyakugwasya bamwi. Kucitila bamwi zintu zibotu takuyumyi buyo zilongwe pele alimwi kulatugwasya kulimvwa kabotu.

• Njiisyo yamu Bbaibbele: “Kupa kulakkomanisya kapati kwiinda kupegwa.”​—Milimo 20:35.

Amuunke awebbusaiti yesu kutegwa mubone makani aazwa mu Bbaibbele aakonzya kumugwasya kupanga zilongwe zili kabotu.