Amujane Balongwe Kutegwa Mulwane Penzi Lyakulendelelwa​—Bbaibbele Mbolikonzya Kugwasya

Mu 2023, basyaazibwene mumakani aajatikizya nseba bakaamba kuti penzi lyakulendelelwa ndipati kapati alimwi kweelede kujanwa nzila yakulimana penzi eeli. Sena inga twacikonzya kulizunda?

• Ba Dr. Vivek Murthy, ba U.S. surgeon general bakaamba kuti: “Kulendelelwa akulizandula zilakonzya kuleta ntenda kubuumi bwesu abukkale.” Pele bakayungizya kwaamba kuti: “Tulakonzya kuzunda.” Munzila nzi? “Kwiinda mukucita tuntu tusyoonto-syoonto buzuba abuzuba itukonzya kuyumya zilongwe.”a

Kulendelelwa takubooli buyo akaambo kakulizandula. Ibamwi balakonzya kulendelelwa pele kabali akati kabantu banji. Tacikwe makani acipa kuti katulendelelwa, Bbaibbele lilakonzya kugwasya. Lilijisi lulayo lukonzya kutugwasya kulwana penzi lyakulendelelwa kwiinda mukuyumya zilongwe.

Njiisyo zyamu Bbaibbele zikonzya kugwasya

Amube bantu bacizyi kubandika. Eeci tacibikkilizyi buyo kwaamba mbomulimvwa, pele akuba baswiilizi babotu. Kubabikkila maano kapati bamwi, kuyoopa kuti zilongwe ambabo ziyume.

• Njiisyo yamu Bbaibbele: “Mutabikkili buyo maano kuzintu nzyomuyanda nywebo zilikke, pele akuzintu nzyobayanda bamwi.”​—Bafilipi 2:4.

Amujane balongwe banji. Amupange cilongwe abantu bapati kulindinywe, ibana, ibazilengwa zimbi naa ibamusyobo uumbi.

• Njiisyo yamu Bbaibbele: “Amujalule myoyo yanu.”​—2 Bakorinto 6:13.

Kutegwa muzyibe makani manji aajatikizya mbomukonzya kuba azilongwe ziyumu abamwi, amubale cibalo camu Cikuwa cakuti “Satisfying Our Hunger for Friendship.”