Sena Bakamboni ba Jehova Balasyoma Muli Jesu?

Inzya. Tulasyoma muli Jesu wakaamba kuti: “Ndime nzila, kasimpe alimwi abuumi. Kunyina uuboola kuli Taata ccita kuti wainda mulindime.” (Johane 14:6) Tulasyoma kuti Jesu wakaboola anyika kuzwa kujulu alimwi akwaaba buumi bwakwe kacili cituuzyo cacinunuzyo. (Matayo 20:28) Lufwu lwakwe alimwi abubuke zipa coolwe cakuba abuumi butamani kulibaabo bamusyoma. (Johane 3:16) Alimwi tulasyoma kuti Jesu lino ulalela kali Mwami wa Bwami bwakujulu bwa Leza, buyooleta luumuno kubantu boonse anyika. (Ciyubunuzyo 11:15) Nokuba boobo, tulazumina ncaakaamba Jesu kuti: “Taata mupati kwiinda ndime.” (Johane 14:28) Aboobo tatumukombi Jesu, mbwaanga tatusyomi kuti ngu Leza Singuzuzyoonse.