Sena Bakamboni ba Jehova Balijisi Bamakaintu Bakambausi?

Inzya. Boonse Bakamboni ba Jehova mbakambausi, naa babelesi​—kubikkilizya amamiliyoni aali mbwaabede aabamakaintu. Mbubwenya Bbaibbele mbolyakasinsima, ‘banakazi bakanana makani mabotu ninkamu impati.’​—Intembauzyo 68:11.

Bamakaintu Bakamboni ba Jehova batobela cikozyanyo cabamakaintu bamu Bbaibbele. (Tusimpi 31:​10-​31) Nokuba kuti tabalangili kuba acuuno cabweendelezi mumbungano, balatola lubazu cakumaninina mumulimo wakukambauka kubuleya. Alimwi balabayiisya bana babo njiisyo zyamu Bbaibbele. (Tusimpi 1:8) Kwiinda mumajwi aabo alimwi amicito yabo, bamakaintu Bakamboni balasoleka canguzu kuba cikozyanyo cibotu.​—Tito 2:​3-5.