Masalamuzi Alimwi Abulozi Nzibi

Saatani uyanda kuti mujatikizigwe mumasalamuzi. Ibantu banji bapa zituuzyo kuli basikale naa kumizimo ikutegwa balikwabilile kuzintu zinga zyabacisa. Balacita oobu akaambo kakuyoowa nguzu zyamizimo. Balasama inweenwe naa inkaya zyamasalamuzi. Balanywa naa ikunana amibili yabo “misamu” njobasyoma kuti ijisi nguzu zyamasalamuzi. Mumaandaabo naa mulubuwa bantu bamwi basiside zintu zimwi nzyobasyoma kuti zijisi nguzu zyakukwabilila. Ibamwi babelesya “misamu” yamasalamuzi akaambo kakuti basyoma kuti inga yabagwasya kuzwidilila mumakwebo amumisunko kuzikolo naa mukweebana.

Icikwabililo cibotu kapati cinga camugwasya kulwana Saatani nkuba mulongwe wa Jehova. Jehova Leza abangelo bakwe balijisi nguzu izipati loko kwiinda Saatani amadaimonaakwe. (Jakobo 2:19; Ciyubunuzyo 12:9) Jehova uliyandide ikubelesya nguzu zyakwe mukukwabilila balongwe bakwe—ibantu aabo ibasyomeka kulinguwe cakumaninina.—2 Makani 16:9.

Ijwi lya Leza lyaamba kuti: “Mutawaazyi.” Masalamuzi alimwi abulozi ulazikazya Jehova akaambo kakuti imicito eeyo icitya kuti muntu ayendelezyegwe a Saatani Diabolosi.—Levitiko 19:26.