-
Mulongo Wamunsondo Iitalika mu May 27Mulimo Wesu—2013 | May
-
-
Mulongo Wamunsondo Iitalika mu May 27
NSONDO IITALIKA MU MAY 27
Lwiimbo 6 Amupailo
□ Ciiyo ca Bbaibbele Cambungano:
gt cibalo 44-45 (30 min.)
□ Cikolo Camulimo Weendelezyegwa a Leza:
Kubala Bbaibbele: Johane 12-16 (10 min.)
Na. 1: Johane 12:20-36 (4 min. naa kutasika aawo)
Na. 2: Ino Nkuuli Bani Cinunuzyo ca Jesu Nkocakasaanguna Kubeleka, Alimwi Kakuli Makanze nzi?—w10 3/15 p. 25 minc. 6, 8 (5 min.)
Na. 3: Nkaambo Nzi Jehova Nceelela Kwiitwa Kuti “Leza Uupa Luumuno”?—Lom. 15:33 (5 min.)
□ Muswaangano Wamulimo:
5 min: Amutalisye Ciiyo ca Bbaibbele Mubuzuba bwa Mujibelo Bwakusaanguna. Makani. Amucite citondezyo icitondezya mbomukonzya kutalisya ciiyo ca Bbaibbele mubuzuba bwa Mujibelo bwakusaanguna mu June, kwiinda mukubelesya peeji yamamanino ya Ngazi Yamulindizi. Amubakulwaizye boonse kutola lubazu.
15 min: Kutilila Mbuto Nzyotusyanga. (1 Ko. 3:6-9) Mubandi abaswiilizi uuyeeme amibuzyo eeyi iitobela: (1) Ncinzi cimukkomanisya kujatikizya mulimo wakucita nyendo zyakupilukila? (2) Ino mbuyumuyumu nzi bamwi mbobajana mukucita nyendo zyakupilukila? (3) Ino buyumuyumu oobu inga bwazundwa buti? (4) Ino inga twalujana buti lugwasyo kuti kacitukatazya kucita nyendo zyakupilukila? (5) Ino mucita buti kutegwa mutabalubi bantu bakatondezya luyandisisyo alimwi akuyeeya kaambo nkomwakabandika, bbuku ndyomwakasiya, alimwi amakani aambi? (6) Ino mulibambila buti nyendo zyakupilukila? (7) Nkaambo nzi ncociyandika kujana ciindi cakucita nyendo zyakupilukila nsondo ansondo?
10 min: “Amoode Zyintu Nzyomuyandika.” Mubandi abaswiilizi. Amubalombe baswiilizi kuti baambe mbobagwasyigwa kwiinda mukubelesya mabbuku aali woonse aakagwisyigwa ino-ino mumyaambo iikananwa kubusena nkobakkala alimwi amumwaambo wabo.
Lwiimbo 101 Amupailo
-
-
Amoode Zyintu NzyomuyandikaMulimo Wesu—2013 | May
-
-
Amoode Zyintu Nzyomuyandika
Kwamyaka minji, ambweni mwali kukambauka akuyiisya kasimpe kuzwa mu Jwi lya Leza kwiinda mukubelesya mabbuku aamumwaambo ngobabelesya kapati bantu uutali mwaambo wanu naa uutali mwaambo wabantu boonse balaaluyandisisyo. Tulizyi kuti tulafwambaana kwiiya alimwi akumvwisya ciindi notuyiisyigwa mumwaambo wesu. Akaambo kaceeci, kuli kubeleka canguzu kusandulula alimwi akusimba mabbuku calo capa kuti kaajanika mumyaambo minji kwiinda mbocakabede kaindi. Sena mulabikkila maano kooda mabbuku aambi aamumwaambo wanu aakagwisyigwa amiswaangano yacooko yaino-ino? Sena mulalembesya zyintu nzyomuyandika zikonzya kumugwasya mucilawo canu? Ansi aawa kulembedwe mulongo wamabroshuwa aasiyene-siyene aajanika mumwaambo wa Chitonga:
◻ Makani Mabotu Aazwa Kuli Leza!
◻ Ino Mbaani Bacita Kuyanda Kwa Jehova Mazuba Aano?
◻ Amumuswiilile Leza
◻ Amumuswiilile Leza Kutegwa Mukapone Kukabe Kutamani
Nomweelede Kuyobola Mabbuku: Bantu bamucilawo canu balakonzya kuti kabaambaula myaambo minji iindene-indene pele kababelesya mwaambo omwe mumibandi yabuzuba abuzuba. Mumulimo wanu wakukambauka, mulakonzya kujana bantu, mikwasyi naa zilawo zisyoonto mwalo mobabelesya mwaambo wiindene amwaambo wanu naa mobabelesya mwaambo uukananwa kanji-kanji kubusena ooko. Sena mwakalanga-langa naa nkwaali mabbuku eesu mumwaambo ooyo? Mbungano zilakonzya kuyobola mabbuku masyoonto aaliko mumwaambo ooyo, mbuli matulakiti, mabroshuwa aakamwaigwa caino-ino, alimwi abbuku lya Bbaibbele Ncoliyiisya. Basikumwaya balakonzya kwaabila mabbuku aaya kufwumbwa ciindi nobaswaanya muntu uukonzya kubala mwaambo ooyo.
Mbomukonzya Kooda Mabbuku: Ikuti mbungano kaitajisi mabbuku aamumwaambo ngwayanda kubala muntu umwi uujisi luyandisisyo, ino mabbuku aamumwaambo ooyo inga ajanwa buti? Sikumwaya weelede kubuzya kumubelesi uulanganya mabbuku kuti amwaambile mabbuku aajanika mumwaambo ooyo, ikutegwa mabbuku aayandika akonzye koodwa muoda yambungano iitobela.
Atwaabelesye kabotu mabbuku aa Bunakristo ikugwasya ‘bantu boonse kuti babe aluzyibo lwini-lwini lwakasimpe akufwutuka,’ tacikwe makani amwaambo wabo.—1 Ti. 2:3, 4.
-