Amuzumanane Kupakamana Kumuuya Akuba Basungu Ciindi Bukkale Bwanu Nobwacinca

Kucinca kwabukkale kunyina notukonzya kukweeleba, kwaambisya mazuba aano aamamanino. (1Kor. 7:31) Kufwumbwa naa tulakulangila naa pe, kubotu naa kubi, kucinca kwabukkale kulakonzya kunyonganya bukombi bwesu alimwi acilongwe cesu a Jehova. Ncinzi cikonzya kutugwasya kuzumanana kupakamana kumuuya akuba basungu ciindi bukkale nobwacinca? Amweebelele kavidiyo kakuti Amuzumanane Kuyuma Kumuuya Ciindi Bukkale Nobwacinca, mwamana mubandike mibuzyo iitobela:

• Ino mbuti mukwesu uumwi mbwaakabagwasya bausyi?

• Ino njiisyo iijanika mulugwalo lwa Matayo 7:25 yakabeleka buti mubukkale bwamukwasyi ooyu?

• Ino mukwasyi wakalibambila buti kulonga, alimwi ino eeci cakabagwasya buti?

• Ncinzi cakagwasya mukwasyi ooyu kubuzyibila bukkale bupya mumbungano alimwi amucilawo?

Ino nkucinca nzi kupati kwabukkale ikwakandicitikila caino-ino?

Mbuti mbondikonzya kuzibelesya zintu nzyondaiya mukavidiyo aaka mubukkale bwangu?