CIIYO 1

Ntalisyo Iikulwaizya

Milimo 17:22

NCOMWEELEDE KUCITA: Intalisyo yanu yeelede kukulwaizya bamwi kuba aluyandisisyo, amwaazyibe kabotu makani aanu akutondezya kaambo ncaayandika kapati kubaswiilizi banu.

MBOMUKONZYA KUCITA OOBO:

Amubape kuba aaluyandisisyo. Amusale mubuzyo, kaambo kamwi, cakuluula cakacitika ncobeni naa makani aakaambwa anyuuzi aakonzya kubakkomanisya baswiilizi banu.

Kakucili ciindi, amuyeeyele limwi zintu nzyobakkomanina alimwi anzyobalibilika baswiilizi banu mpoonya amucince ntalisyo yanu kweelana abukkale.
Amwaazyibe kabotu makani aanu. Amube masimpe kuti ntalisyo yanu alimwi amakanze aamubandi wanu alakasalazya kaambo kubaswiilizi banu.
Amutondezye ncokayandika kapati kaambo nkomubandika. Amucince mubandi wanu kweelana anzyobayandika baswiilizi banu. Beelede kukabona kaambo ikabandikwa mbokakonzya kubagwasya balo kubagama.

Ciindi nomulibambila makani, amulibuzye kuti, ‘Ino mbukkale nzi mbobajisi bakwesu abacizyi mumbungano mondizulilwa?’ Mpoonya amucince ntalisyo yanu kweelana anzyobayandika.