CIIYO 12
Kusangalizya Alimwi Ambomulimvwa
1 Batesalonika 2:7, 8
NCOMWEELEDE KUCITA: Amukanane munzila iitondezya bwini mbomulimvwa alimwi akutondezya kuti mulababikkila maano baswiilizi banu.
MBOMUKONZYA KUCITA OOBO:
Amubabikke mumizeezo baswiilizi banu. Amulibambile mumoyo kwiinda mukuyeeya mapenzi ngobajana mubuumi. Amusole kweezyeezya mbobalimvwa.
Amusale mabala aali kabotu. Amusolekesye kujana nzila zyakubakatalusya, kubaumbulizya alimwi akubakulwaizya baswiilizi banu. Mutabelesyi mabala aakonzya kubanyemya alimwi mutaambi zintu zitali kabotu kujatikizya bantu ibatasyomi muli Jehova naa kujatikizya zintu nzyobasyoma.
Amutondezye kuti mulababikkila maano. Kwiinda mukubelesya jwi libombe alimwi akutambaika munzila yeelede, amubatondezye kuti mulababikkila maano kapati. Amubikkile maano kujatikizya mbomulibonya abusyu; kamumwetamweta.