CIIYO 20
Mamanino Aakulwaizya
Mukambausi 12:13, 14
NCOMWEELEDE KUCITA: Mumajwi aanu aamamanino, amubakulwaizye baswiilizi banu kutegwa bazizumine alimwi akuzibelesya nzyobaiya.
MBOMUKONZYA KUCITA OOBO:
Kumamanino aamubandi wanu, amutuswaanganye twaambo toonse kumutwe wamakani. Amutwiinduluke twaambo tupati-pati alimwi amutwe wamakani.
Amubakulwaizye baswiilizi banu. Amubatondezye baswiilizi ncobeelede kucita, mpoonya mwaambe twaambo tulimvwisya ncobeelede kucitila boobo. Amubandike munzila iitondezya kuti mulazisyoma nzyomwaamba akutondezya mbwaayandika makani aayo.
Mamanino aanu ayelede kuba mauba-uba alimwi mafwaafwi. Mutaleti twaambo tumbi tupya. Amubelesye buyo majwi masyoonto aayandika, akubakulwaizya kuti babweze ntaamu.