Xaxlikana xlakata xTamapakgsin Dios
Jesús kamasiyanilh kstalaninanin natlawakgo oración: «KinTlatikan nti wilapi nkakgapun, katamasantujlilh mintukuwini. Kamilh [minTamapakgsin]. Wa nkatatlawalh ntu mintalakaskin, xtachuna lantla nkakgapun, nachuna kawa nkatiyatna» (Mateo 6:9, 10). ¿Tuku xTamapakgsin Dios? ¿Tuku tlawama? ¿Tuku xlakata kiliskinatkan akxni tlawayaw oración?
Jesús wa xMapakgsina xTamapakgsin Dios
Lucas 1:31-33: «Jesús nawiliniya xtukuwini. Tlanka xkakni nakgalhiy, na wa xKam nti ntlanka xlakatsukut nalitapakuwiy; chu na namaxkiy nkimPuchinakan Dios [xtamapakgsin] David xtlat. Na xaliankgalhin xmapakgsinakan nawan xkilhtsukut Jacob; na wa xlimapakgsin, niʼukxni katikgalhilh xlisputni».
Jesús lu xlichuwinan Tamapakgsin
Mateo 9:35: «Xʼan Jesús xlipaks klaktlanka [...], chu klaktsu [kachikinin], xmakgalhtawakganan kxpukgalhtawakgakan, chu xliakgchuwinan xatlan tamakatsinin xla [Tamapakgsin], chu xmapaksay xlipaks ntajatat, chu nkatuwa ntakatsanajwat ntu xkgalhikgoy nchixkuwin».
Jesús kawanilh kstalaninanin tuku xʼama litasiya pi Tamapakgsin xʼamaja min
Mateo 24:7: «Nalalakatakikgoy akgatunu tiyat, chu laktlanka napuxkun; chu naʼanan [...] ntatsinkstat, chu natachikiy nkatuxawat nkaniwaj».
Kstalaninanin Jesús lichuwinamakgo Tamapakgsin xlikalanka Katiyatni
Mateo 24:14: «Na xapulh taliakgchuwinanit nawan xlikatlanka nkatuxawat yuma xatlan tamakatsinin xla [Tamapakgsin]; lakimpi paks nakgaxmatkgoy yuma ntalulokgtat xlipaks akgmakgat chixkuwin; akxniku nchu nachin xlikgasputni nkatuxawat».