Dios kasikulunatlawa tiku kamakgtayakgo amakgapitsin

Xlikalanka katiyatni lhuwa latamanin ni kgalhikgo tuku nawakgo chu niku natawilakgo. Amakgapitsin kajwatiya maklakaskinkgo akgtum takgalhkgalhin. ¿La tlan nakamakgtayayaw amakgapitsin chu namakglhtinanaw xtasikulunalin Dios?

TUKU WAN XASANTO TASOKGNI

«Tiku makgtaya tiku nitu kgalhi, masakwanima Jehová, chu xla nalakgxokgoni» (PROVERBIOS 19:17).

¿TUKU TLAN NATLAWAYAW XLAKATA NAKAMAKGTAYAYAW AMAKGAPITSIN?

Jesús lichuwinalh chatum chixku tiku makgkgalhananka chu atsinu ni makgnika (Lucas 10:29-37). Chatum chixku tiku tlan xlikatsi talakatsuwilh chu makgtayalh maski xalak alakatanu kachikin xwanit.

Uma chixku tiku tlan xlikatsi ni kajwatiya makuchinilh niku xlaninit tuku nitlan chu limakgtayalh tumin. Wata na lilakgaputsalh xlakata xpaksli.

¿Tuku kinkamasiyaniyan uma tuku lalh? Jesús xmasiyama pi kilitlawatkan putum tuku matlaniyaw xlakata nakamakgtayayaw amakgapitsin (Proverbios 14:31). Anta kxaSanto Tatsokgni wan pi Dios nialh makgas namasputu talimaxkgen chu tapatin. Pero ¿tuku kilhtamaku chu la natlawa? Artículo nema stala nalichuwinan tasikulunalin nema Malakatsukina lakkaxwilininitan.