TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kalakgchaw xnaku
Kgalhakgaxmatkan Dios kkinakujkan taxtuyacha (Pr 3:1). Wa xlakata, akxni masiyayaw naliskujaw nakalakgchanaw kxnakujkan tiku kinkakgaxmatnikgoyan. ¿La namakgantaxtiyaw uma?
Ni kajwatiya kamasiyani tuku masiya Biblia mintamakgalhtawakgen. Kamakgtaya naʼakxilha pi tuku katsinima namakgtaya kxlatamat chu la talalin Jehová. Kamasiyani la limapakgsin xalak Biblia limasiya pi Dios tlan likatsi, xaʼakgstitum chu xapaxkina. Xatapaxuwan katlawani takgalhskinin xlakata nalilakpuwan tuku katsinima. Kamakgtaya nalilakpuwan pi xlatamat tlan nakitaxtuni komo namakgxtakga tuku Dios xkajni. Akxni naʼakxilha pi mintamakgalhtawakgen lu paxki Jehová, wix tlakg napaxuwaya.
AKXNI AKXILHNITATA NAWAN VIDEO KALIPAXUWA XLAKATA WI TIKU NAMAKGTAYAYA KSTALANINA CRISTO NAWAN. TLAKG LIWANA KAMAKGALHTAWAKGENAW: KALAKGCHAW XNAKU, KAKGALHTI UMAKGOLH TAKGALHSKININ:
¿Tuku xlakata Rita kgalhskilh Coral komo xlilakpuwanit tuku xlichuwinankgonit martes?
¿La makgtayalh Rita Coral naʼakxilha pi xlimapakgsin Jehová limasiya pi xla paxki?
Komo nakalakgchaniyaw xnakujkan kintamakgalhtawakgenkan, uma nakamakgpuwantini nalakskujnaniputunkgo Jehová
¿La makgpuwantinilh Rita Coral xlakata nalimasiyani Jehová pi paxki?