TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kakamakgtaya mintamakgalhtawakgen namakgxtakgkgo nitlan talismanin
Xlakata tlan natalalinkgo Jehová tamakgalhtawakgen xlimakgxtakgatkan nitlan talismanin (1Pe 1:14-16). Komo namakgxtakgkgo, max tlakg tlan natawila xfamiliajkan, nialh lu natatatlakgo chu nialh lhuwa tumin katilaktlawakgolh.
Liwana kakalitakgalhchuwinanti xlimapakgsin Jehová, tuku xlakata wilinit chu la nakinkamakgtayayan komo nalilatamayaw. Kakamakgtaya mintamakgalhtawakgen nalakgpalikgo la lakapastaknankgo, chu alistalh xlakan wi tuku natlawakgo (Ef 4:22-24). Kakawani pi Jehová putum kilhtamaku nakamakgtaya xlakata namakgxtakgkgo akgtum talismanin nema kgalhikgo (Flp 4:13). Kakamasiyani pi akxni natlawaputunkgo tuku nitlan tunkun kaputsakgolh xtamakgtay Jehová. Kakamakgtaya nakatsinikgo naʼakxilhkgo tuku nakamatlawi akgtum talakgalhin, chu xlakata nalakgmakgankgo nixatlan talismanin kakamakgpuwantini atanu tuku natlawakgo. Chu akxni naʼakxilha pi Jehová kamakgtayama mintamakgalhtawakgen xlakata lakgpalimakgo xlatamatkan, lu napaxuwaya.
AKXNI AKXILHNITATA NAWAN VIDEO KAKAMAKGTAYAW TIKU KAMAKGALHTAWAKGEMAW... NALAKGMAKGANKGO TALISMANIN NEMA JEHOVÁ NI AKXILHPUTUN, KAKGALHTI UMAKGOLH TAKGALHSKININ:
¿Tuku lakpuwankgolh lakgkgolotsin chu Rita akxni Coral kawanilh pi xwa marihuana?
¿Tuku tlawalh Rita xlakata xmakgtayalh Coral?
¿Tuku tlawalh Coral xlakata Jehová xmakgtayalh?