Tuku tlan nalikgalhtawakgayaw

Tuku tlan natlawakgo laktsu kamanan

Natlatni kgalhikgo akgtum lu xlakaskinka taskujut: nakamasiyanikgo xkamankan xlakata Jehová (Efes. 6:4). Xkachikin Jehová tlawanit lhuwa likgalhtawakga xlakata nakamakgtaya natlawakgo uma taskujut. ¿La tlan liwana namaklakaskinkgo natlatni putum uma?

• Kaputsa likgalhtawakga. Anta ksitio jw.org wilakgo putum tuku tlawakanit xpalakata lakgkgawasan, laktsuman chu laktsu kamanan. Anta natekgsa videos chu atanu likgalhtawakga nema katlawanikanit kamanan.a Xlakata natekgsa likgalhtawakga katanu niku wan «Tamasiy xalak Biblia» chu alistalh «Laktsu kamanan» o «Kamanan».

• Kalaksakti tuku tlakg namakgtayayan. Anta ksección «Laktsu kamanan», tlan nalaksaka likgalhtawakga nema tlakg nalitamakgtayakgo minkamanan.

• Kakalitachuwinanti minkamanan. Ni kamaklakaskinti videos kaj xlakata nakalimakgalakgastaniya minkamanan chu ni kamaklakaskinti likgalhtawakga kaj xlakata ni namakglhuwikgoyan. Wata kalimaklakaskinti xlakata nakatachuwinana minkamanan chu nakamakgtayaya xʼamigos Jehová nawankgo.