Takgalhtawakga 4

¿Tiku Diablo?

¿Niku mincha Satanás Diablo? (1, 2)

¿La tlan kaʼakgskgawiy Satanás kristianos? (3-7)

¿Tuku xlakata wix natatlankaniniya Diablo? (7)

1. Uma tachiwin diablo wamputun tiku wan takgsanin xalak lixkajni xlakata achatum. «Satanás» wamputun talamakgasitsin o lakatayana. Umakgolh tachiwin mininiy xapuxku tiku sitsini Dios. Pulana chatum ángel xwanit ni xkgalhiy talakgalhin na anta xlama niku Dios lama kʼakgapun, milh kilhtamaku lanka makgkatsika chu lakgatilh namaxkikan takaknin nema kaj watiya Dios lakgchan (Mateo 4:8-10).

2. Uma ángel Satanás, tachuwinalh Eva akxni machuwinilh tantum luwa, chuna akgskgawimilh wa xlakata nialh kgalhakgaxmatnilh Dios. Chuna Satanás lakatayalh «xtamapakgsin» Dios, uma wamputun, lakatayalh xlilanka xtamapakgsin. Liwililh pi mat Dios ni katsiy la tlan nakamapakgsiy chu ni katsiy tuku xtlankan tiku stalanikgoy. Nalimasiyaputulh pi putum kristianos tiku lamakgolh xʼamakgolh makgxtakgkgoy Dios. Akxni chuna tlawalh xtalamakgasitsin Dios litaxtulh. Wa xlakata, xtukuwani wa Satanás Diablo (Génesis 3:1-5; Job 1:8-11; Apocalipsis 12:9). ʼakgskgawiy Satanás kristianos?

3. Satanás putsay la tlan nakaʼakgskgawiy kristianos xlakata nakakninanikgoy (2 Corintios 11:3, 14). ʼakgskgawilh Eva xliʼakgskgalala lhuwa mpala na chuna xalan naliʼakgtsankgayatit mintalakapastaknakan lantla akgstitum, chu xlipaks minakujkan takgokgayatit nCristo. Na ni lanaj lilakawanaw, xampi watiya Satanás ntapalaja, xʼángel xkgakganat litaxtuy». Tipatu tuku kaliʼakgskgawi kristianos wa takanajla nixaxlikana. Komo akgtum takanajla nema masiyay tuku ni xaxlikana xlakata Dios, tlawama xtalakaskin Satanás (Juan 8:44). Wa kristianos tiku ankgoy ktakanajla nixaxlikana max lakapastakkgoy pi kakninanikgoy Dios wantiku xaxlikana, ni katsikgoy pi xaxlikana wa skujnanimakgolh Satanás, xlakata wa xdios uma kakilhtamaku (2 Corintios 4:4).

4. Taskuwan na limaklakaskin Satanás xlakata kxmakan nakalikgalhiy kristianos. Makgapitsi kristianos kaskinikgoy espíritus xlakata kakamakgtayalh, kakatlawanilh tuku nitlan amakgapitsi, kakawanilh tuku aku nakaʼakgspulay, skinikgoy kakamakgtayaka xlakata natlawakgoy tuku nilay tamakanajlay. Litliwakga nixatlan nema kamatlawi umakgolh talismanin wa xla Satanás. Komo makgapaxawaputunaw Dios, naxkajniyaw taskuwan (Deuteronomio 18:10-12; Hechos 19:18, 19).

5. Satanás na kaliʼakgskgawi kristianos akxni kamalakpuwani xalanka kakalimakgkatsika xcolorkan chu na kamatlawiy pi xnaku kalimakgtanukgolh kpolítica. Makgapitsi puwankgoy pi xalanka xkachikinkan o xcolorkan tlakg xtapalh nixawa amakgapitsin. Pero tama ni xlikana (Hechos 10:34, 35). Makgapitsi lakpuwankgoy pi xtamapakgsin políticos nalakkaxtlawanikgoy xtakglhuwitkan unu kakilhtamaku. Chuna lakatayamakgolh xTamapakgsin Dios, wa nema kaj watiya nalakkaxtlawa kintakglhuwitkan (Apocalipsis 11:15).

6. Atanu tuku na liʼakgskgawinan Satanás wa akxni kawiliniy talakapastakni nixatlan kxnakujkan kristianos wa nema linan ktalakgalhin. Jiova kinkawaniyan pi ni natlawayaw talismanin nema linan ktalakgalhin xlakata katsiy pi nakinkatlawaniyan nitlan (Gálatas 6:7, 8). Max wintiku nawaniyan nachuna katlawa lakomo tlawakgoy. Pero kalakapastakti pi wantiku lakaskima pi chuna natlawaya wa Satanás (1 Corintios 6:9, 10; 15:33).

7. Satanás limaklakaskin taputsastalanit o nalakatayanikan mintakanajla xlakata namakgxtakga Jiova. Max makgapitsi nema wix kapaxkiya snun nalisitsinikgoyan xlakata wix likgalhtawakgapat Biblia. Amakgapitsi max nalilitsiyankgoyan. Pero ¿tiku maxkin mi latamat? Satanás makgakglhaputunan xlakata wix niaj nakatsiya xlakata Jiova. Ni kamasta talakaskin natlajayan (Mateo 10:34-39; 1 Pedro 5:8, 9). Komo wix natatlankaniniya Diablo, tlan namakgapaxuwaya Dios chu nalimasiyaya pi lakgatiya xtamapakgsin (Proverbios 27:11).

[Dibujo xla página 9]

Takanajla nixaxlikana, taskuwan chu tiku kakninani xalanka kachikin uma kaliʼakgskgawi kristianos

Tlakg kakatsini xlakata Jiova, chuna natatlankaniniya Satanás