Mililakgapasat Dios

Xpalakata tlan xʼamigo Dios nawana xlakaskinka nalakgapasa. ¿Mi amigo lakgapaskgoy chu lakatikgoy min tukuwini? Chuna xla. Dios naalakaskin nalakgapasa chu nalakatiya xtukuwini. Xtukuwini Jiova (Salmo 83:18, NM; Mateo 6:9). Nachuna milikatsinit tuku lakgati chu tuku ni lakgati. Xlakaskinka nakatsiya tiku xʼamigo chu tiku ni xʼamigo. Lin kilhtamaku tlan nalilakgapasa atanu, wa xpalakata kBiblia wan pi xlakaskinka naliwiliya kilhtamaku nalilakgapasa Jiova (Efesios 5:15, 16).

Xʼamigo Dios tlawakgoy tuku xla lakgatiy. Kalilakapastakkgo mi amigo: pi wix nakatlawaniya tuku ni xatlan chu natlawaya tuku ni lakgatikgoy, ¿mi amigo nawankgoyku? ¡Kana pi ni! Nachuna, kon xʼamigo Dios wamputuna militlawat tuku xla lakgatiy (Juan 4:24).

Ni paks takanajla makgtayanankgoy xpalakata xʼamigo Dios nawana. Jesus, wa tiku luxatlan xʼamigo Dios, lichiwinalh kgantuy tiji. Kgantum lutilanka chu li tsamay latamanin: linan anta klisputni. Chu kgantum xatitsu chu anta ni lhuwa ankgoy latamanin: linan kxaxlipan latamat. Uma wamputun pi kon xʼamigo Dios wamputuna milikatsinit lantla tlakgtlan nakakniniya (Mateo 7:13, 14).