La tlan natlawayaw carta

• Katsokgti niku wila. Komo lakpuwana pi ni xlilat namastaya midirección, tlan nakakgalhskina lakgkgolotsin komo tlan nawiliya dirección xla salón. Pero NIKXNI kamasta dirección xla sucursal xlakata anta nakinkaputsakanan.

• Komo katsiya tuku wanikan tiku malakgachanipat carta, kamaklakaskinti xtukuwani. Chuna lataman ni katilakpuwa pi kaj wi tuku malaknunipat.

• Kuenta katlawa la tatsokga tachuwin, la maklakaskinkan tachuwin chu puntuación. Kuenta katlawa pi mincarta ni xataxkajwan chu ni xatakgonchin namalakgachaya. Komo kamakan natsokga, kuenta katlawa pi nataʼakgatekgsa miletra. Ni kamaklakaskinti xalaktuwa tachuwin chu tachuwin nema maklakaskina akxni tachuwinana chatum amigo.

K’uma carta tlan na’akxilha putum tuku xlitatlawat. Akxni wi tiku tsokgnaniputuna niku lichuwinana Dios, ni kaj kacopiaxtu akgatunu letra xla uma carta. Kalakapastakti tuku titaxtumakgo chu tuku talismanin kgalhikgo anta chu tuku xlakata tsokgpat mincarta.