Campaña xlakata nalichuwinankan xTamapakgsin Dios papaʼ noviembre

Jesús lichuwinalh «xalaktlan tamakatsinin xla xTamapakgsin Dios» chu kamasiyanilh latamanin pi kskinkgolh uma Tamapakgsin (Lu 4:43; Mt 6:9, 10). Papaʼ noviembre, lu naliskujaw xlakata nalichuwinanaw xTamapakgsin Dios (Mt 24:14). ¿Tlan xlakkaxwiliw kinkilhtamakujkan xlakata namakgtayananaw kʼuma campaña chuna la matlaniyaw? Tiku naliskujkgo la precursores auxiliares uma papaʼ, tlan nalichuwinankgo Dios 30 o 50 horas.

Kʼuma campaña, kakalikgalhtawakgani latamanin akgtum texto nema lichuwinan xTamapakgsin Dios. Akxni nalaksaka texto nema namaklakaskina, kalilakpuwanti tuku takanajla kgalhikgo latamanin niku lichuwinana Dios. Komo wi tiku liwana nakgaxmatniyan akxni xapulana natachuwinana, tlan namaxkiya maktum revista Makatsinina (nema tamakgpitsi) núm. 2, xla kata 2020. Ni xlimakgas katachuwinampara uma lataman, kaliskujti xlakata natsukuya litakgalhtawakgaya Biblia chu kamaklakaskinti maktum likgalhtawakga xla kit de enseñanza. Nialh lhuwa kilhtamaku tsankga xlakata xTamapakgsin Dios nakamasputu putum mapakgsinanin xalak Katiyatni (Da 2:44; 1Co 15:24, 25). Wa xlakata, kalimaklakaskiw uma kilhtamaku xlakata nalimasiyayaw pi ni makgxtakgaw Jehová chu xTamapakgsin.