¡Kakawani putum latamanin pi nialh makgas nalatamayaw ktlakg xatlan kakilhtamaku!

Papaʼ noviembre, naliskujaw xlakata nakawaniyaw putum latamanin pi nialh makgas nalatamayaw ktlakg xatlan kakilhtamaku (Sl 37:​10, 11; Ap 21:​3-⁠5). ¿Tlan xlakkaxwiliw kinkilhtamakujkan xlakata xmakgtayanaw chuna la matlaniyaw kʼuma campaña? Tiku naliskujkgo la precursores auxiliares uma papaʼ tlan nalichuwinankgo Dios 30 o 50 horas.

Kʼuma campaña, tlakg lhuwa latamanin kakalikgalhtawakgani akgtum texto nema lichuwinan xasasti kakilhtamaku. Akxni nalaksaka texto nema namaklakaskina, kalilakpuwanti tuku katsiputunkgo latamanin niku lichuwinana Dios. Komo wi tiku liwana nakgaxmatniyan akxni xapulana natachuwinana, kamaxki maktum revista Makatsinina (nema tamakgpitsi) número 2, xla kata 2021. Ni xlimakgas katachuwinampara uma lataman, chu kaliskujti xlakata namatsukiya akgtum takgalhtawakga chu kalimaklakaskinti folleto Kalipaxuwa latamat. ¡Lu lipaxuwayaw xlakata liskujmanaw namakatsininanaw «laktlan tamakatsinin xlakata tuku tlakg tlan mima!» (Is 52:7).

AKXNI AKXILHNITATA NAWAN VIDEO XLA TAKILHTLIN LATAMAT XAXLIPAN, KAKGALHTI UMAKGOLH TAKGALHSKININ:

• ¿Tuku lu tlan nema aku mima lilakpuwama aktsu tsumat?

• ¿Tuku lu xatlan nema naʼanan kxasasti kakilhtamaku kgalhkgalhipat wix?

• Komo nalilakpuwana xasasti kakilhtamaku, ¿la namakgtayayan xlakata tlakg namakgtayanamputuna kcampaña xla noviembre? (Lu 6:​45).