Kakamakgtayaw ni nakatalalinkgo tiku ni paxkikgo Jehová

Komo kintamakgalhtawakgenkan tlan talalimputunkgo Jehová, liwana xlilaksakatkan tiku katalalinkgo (Sl 15:1, 4). Tiku tlan amigos litaxtukgo nakamakgtayakgo natlawakgo tuku tlan (Pr 13:20; lff takgalhtawakga 48).

Akxni nakamakgtayaya mintamakgalhtawakgen xlakata namakgxtakgkgo tiku ni paxkikgo Jehová, kakaʼakgatekgsni xlakata max tuwa namakgkatsikgo namakgxtakgkgo tiku xkatalalinkgo. Wa xlakata, chuntiya kakalimasiyani pi kamakgtayaputuna ni kajwatiya akxni pina kamakgalhtawakgeya. Tlan nakamalakgachaniya akgtum mensaje o nakatachuwinana kteléfono o kaj xalakapala nakalakgapaxialhnana. Chuna la tlawamakgolh talakgpalit kxlatamatkan, tlan nakawaniya pi kaʼankgolh akxni makxtum nakatawayana natalan. Chuna naʼakxilhkgo pi lhuwa tuku tlan nakgalhikgo nixawa tuku namakgxtakgkgo (Mr 10:29, 30). Wix na lu napaxuwaya akxni naʼakxilha la xfamilia Jehová lu stakma.

AKXNI AKXILHNITATA NAWAN VIDEO KAKAMAKGTAYAW TIKU KAMAKGALHTAWAKGEMAW NI NAKATALALINKGO TIKU NI PAXKIKGO JEHOVÁ, KAKGALHTI UMAKGOLH TAKGALHSKININ:

• ¿Tuku xlakata ni nakatalalinaw tiku ni paxkikgo Jehová? (1Co 15:33).

• ¿La xlakpuwan Coral pi xpaxuwakgo xtatayananin Jehová?

• ¿La makgtayalh Rita Coral xlakata nialh xkatalalilh tiku xapulana xkatalalin?