TAKGALHTAWAKGA 52
¿Tuku xlakata kuenta kilitlawatkan chuna la takaxtayayaw?
Kinchatunukan laksakaw la lhakgananaw chu la takaxtayayaw. Akxni makgantaxtiyaw tastakyaw xalak Biblia ni kajwatiya laksakaw lhakgat nema lakgatiyaw, wata na makgapaxuwayaw Jehová. Kaʼakxilhwi makgapitsi umakgolh tastakyaw.
1. ¿Tuku tastakyaw nakinkamakgtayayan liwana nalaksakaw la natakaxtayayaw?
Kstalaninanin Cristo «xlilhakganatkan chuna la nakalimaxkikan kakni, chuna la xlilat, [chu nalimasiyakgo] tlan talakapastakni». Nachuna, xaskulunku xliwanatkan chuna la «tiku ni makgxtakgkgo Dios» (1 Timoteo 2:9, 10). Kaʼakxilhti pulaktati tastakyaw nema limin uma texto. 1) Kililhakganatkan “chuna la nakinkalimaxkikanan kakni”. Kxkachikin Jehová tanu tanu la ktakaxtayayaw, chuna la akxilhnita ktamakxtumit xalak congregación, pero kilhakgatkan chu chuna la kakxkitaw maxki kakni kiDioskan. 2) Nalhakgananaw «chuna la xlilat». Uma kilhchanima pi kintalhakgankan ni nakamalakpuwani tuku nitlan amakgapitsin chu ni natlawa pi kajwatiya akinin nakinkaʼakxilhkanan. 3) Limasiyayaw «tlan talakapastakni» akxni ni lhakgananaw chuna la lhakganankgo lhuwa latamanin. 4) Xaskulunku xliwanat kintalhakgankan chuna la «tiku ni makgxtakgkgo Dios», xlakata chuna amakgapitsin ni tuwa naʼakxilhkgo pi kakninaniyaw xaxlikana Dios (1 Corintios 10:31).
2. ¿La kamakgstuntlawa kinatalankan chuna la takaxtayayaw?
Xlikana, kinchatunukan laksakaw la nalhakgananaw. Pero kililakapastakatkan pi chuna la takaxtayayaw max nakamakgchakgxni amakgapitsin. Lu liskujaw xlakata amakgapitsin tlan namakgkatsikgo akxni katawilaw. Tlawayaw uma tastakyaw: «Chatunu chatunu kamakgapaxuwalh xtalataman chu katlawalh tuku tlan nalimatliwakglha» (kalikgalhtawakga Romanos 15:1, 2).
3. ¿La nakamakgtaya amakgapitsin chuna la takaxtayayaw nalakgapasputunkgo Jehová?
Lhakgananaw chuna la xlilat. Pero tlakg kuenta tlawayaw la lhakgananaw akxni anaw ktamakxtumit xalak congregación chu akxni anaw lichuwinanaw Dios. Ni lakaskinaw pi chuna la takaxtayayaw natlawa pi amakgapitsin ni nakgaxmatputunkgo tamakatsinin nema kaliniyaw. Wata lakaskinaw pi kakatsiputunkgolh tuku xaxlikana chu kalimaxkikgolh kakni «xtamasiy kiLakgmaxtunakan» (Tito 2:10).
TLAKG KALAKPUTSANANIW
Kaʼakxilhwi tuku nakinkamakgtayayan nakatsiyaw komo kintalhakgankan o chuna la takaxtayayaw limasiya pi kstalaninanin Cristo akinin.
Chuna la takaxtayayaw limasiya komo kamaxkiyaw kakni tiku kgalhikgo limapakgsin. Xlikana pi Jehová wa akxilha tuku wi kkinakujkan, pero chuna la takaxtayayaw xlimasiyat pi maxkiyaw kakni
4. Limaxkiyaw kakni Jehová chuna la takaxtayayaw
¿Tuku xlakata lu xlakaskinka kuenta natlawayaw la takaxtayayaw? Kalikgalhtawakgatit Salmo 47:2 chu kalichuwinantit uma:
¿La kilitakaxtayatkan chu tuku xlakata?
¿Lakpuwana pi xlilat lu kuenta natlawayaw la takaxtayayaw akxni anaw ktamakxtumit chu akxni anaw lichuwinanaw Dios? ¿Tuku xlakata chuna lakpuwana?
5. ¿La tlan liwana nalaksakaw kilhakgatkan chu chuna la natakaxtayayaw?
Ni xlakaskinka komo tapalaxla o ni tapalaxla milhakgat. Tuku xlakaskinka wa pi ni xataxkajwani chu tlan natasiya. Kalikgalhtawakgatit 1 Corintios 10:24 chu 1 Timoteo 2:9, 10. Alistalh kalichuwinantit tuku xlakata ni kiliwilitkan lhakgat nema…
... nitlan tasiya o xataxkajwani.
... lhtank nakinkachipayan, natlawa pi lu natasiya kimaknikan o nakamalakpuwani tuku nitlan amakgapitsin.
Maski la uku nialh talakaskin nakgalhakgaxmataw Limapakgsin nema maxkika Moisés, uma limapakgsin kinkamakgtayayan nakatsiyaw tuku lakpuwan Jehová. Kalikgalhtawakgatit Deuteronomio 22:5 chu kalichuwinantit uma:
¿Tuku xlakata nitlan pi chatum puskat natakaxtaya chu nalhakganan la chatum chixku o chatum chixku natasiya la chatum puskat?
Kalikgalhtawakgatit 1 Corintios 10:32, 33 chu 1 Juan 2:15, 16 chu kalichuwinantit uma:
Komo chuna la takaxtayayaw o chuna la tasiyayaw nitlan akxilhkgo latamanin niku lamaw o natalan, ¿lakpuwana pi xlakaskinka nalakgpaliyaw chuna la takaxtayayaw? ¿Tuku xlakata?
Anta niku wix lapat, ¿la lhakganankgo chu takaxtayakgo latamanin?
¿Lakpuwana pi chatum kstalanina Cristo tlan chuna nalhakganan? ¿Tuku xlakata chuna lakpuwana?
Tlan nalhakgananaw chu natakaxtayayaw chuna la lakgatiyaw, pero kintalhakgankan xlimakgapaxuwat Jehová
MAKGAPITSIN WANKGO: «Akit ktakaxtaya chuna la klakgati chu ni talakaskin wi tiku nakiwani la naktakaxtaya».
¿Wix nachuna lakpuwana? ¿Tuku xlakata?
TUKU KATSINIW
Akxni liwana laksakaw la lhakgananaw chu la takaxtayayaw, limasiyayaw pi maxkiyaw kakni Jehová chu amakgapitsin.
¿Tuku xkgalhtinanti?
¿Tuku xlakata Jehová xlakaskinka akxilha la takaxtayayaw?
¿Tuku tastakyaw nakinkamakgtayayan nakatsiyaw la natakaxtayayaw?
¿Lakpuwana pi chuna la takaxtayayaw natlawa pi tlan o nitlan nalichuwinankgo amakgapitsin xaxlikana takaknin? ¿La tlan chuna natlawa?
TLAKG KAKATSINI
Kakatsi tuku masiya mimpalakata chuna la lhakganana.
Kakatsi tuku nitlan nakitaxtu komo namatlawinana mintatuaje.
Kaʼakxilhti atanu tastakyaw nema namakgtayayan liwana nalaksaka tuku natlawaya.
«¿Maxki kakni kiDioskan chuna la lhakgananaw?» (Makatsinina, septiembre kata 2016)
¿Tuku makgtayalh chatum puskat xlakata nialh xmalakatsalilh la xʼakxilha xtalhakgankan amakgapitsin?