36 Orait Gideon i tokim God tru olsem: “Sapos yu bai kisim bek lain Israel long rot bilong mi, olsem yu bin tok promis,+ 37 orait mi putim sampela gras bilong sipsip long ples bilong krungutim wit samting.* Sapos wara bilong nait i stap antap long gras bilong sipsip tasol, na graun i raunim dispela gras bilong sipsip i drai, orait bai mi save olsem yu bai kisim bek lain Israel long rot bilong mi, olsem yu bin tok promis.”

30 “‘Hesekia, yu bai lukim dispela mak na bai yu save olsem ol dispela samting bai kamap tru: Long dispela yia, yu bai kisim kaikai i kamap nating;* na long namba 2 yia, yu bai kisim wit samting i kamap long ol dispela sid bilong ol kaikai i bin kamap nating; tasol long namba 3 yia, yu bai planim kaikai na kisim kaikai na yu bai planim ol gaden wain na kaikai ol prut bilong en.+

7 Dispela em sain i kam long Jehova bilong soim yu olsem Jehova bai truim tok em i bin mekim long yu:+ 8 Mi bai mekim sedo bilong san we i go daun pinis long lata* bilong Ahas i muv i go bek inap 10-pela step.”’”+ Olsem na san i muv i go bek inap 10-pela step long lata maski sedo i bin abrusim pinis dispela mak.