42 Wanpela man i lusim Bal-salisa+ na i kam, na em i bringim 20 bali bret+ i kam long wokman bilong God tru, em bret ol i bin wokim long namba 1 kaikai i redi long gaden. Na em i bringim tu wanpela beg i pulap long nupela wit samting.+ Na Elisa i tok olsem: “Givim long ol man na bai ol i ken kaikai.” 43 Tasol wokman bilong em i tok: “Olsem wanem bai mi givim dispela liklik kaikai long 100 man?”+ Na Elisa i tok: “Givim long ol man na bai ol i ken kaikai, long wanem, Jehova i tok olsem, ‘Ol bai kaikai, na sampela hap kaikai bai i stap yet.’”+ 44 Orait wokman i givim kaikai long ol man na ol i kaikai na sampela hap kaikai i stap yet,+ olsem Jehova i bin tok.

33 Tasol ol disaipel i tokim em: “Yumi stap long ples i no gat man, olsem na bai yumi kisim we ol bret inap long pulapim bel bilong kain bikpela lain olsem?”+

7 Filip i tokim em: “Sapos yumi baim bret inap long 200 koin denarius,* dispela bai i no inap long olgeta wan wan maski yumi givim ol liklik hap bret tasol.”