Buk Song
Tok i go long dairekta bilong Gitit.* Singsing bilong Asap.+
81 Singim song bilong amamas long God em man bilong strongim yumi.+
Amamas na singaut na litimapim nem bilong God bilong Jekop.
2 Kirap wokim musik na paitim tambarin,
Mekim naispela musik long harp* na ol instramen i gat string.
3 Winim kom bilong sipsip man long nupela mun,+
Long taim bilong ful mun, long de yumi mekim bikpela bung bilong yumi.+
4 Dispela em i lo bilong ol Israel,
God bilong Jekop i givim dispela lo.+
Mi harim wanpela nek,* tasol mi no save em nek bilong husat:
6 “Mi rausim pinis hevipela samting i stap long solda bilong em;+
Han bilong em i no holim moa basket.
7 Yupela i gat bikpela hevi na yupela i singaut long mi na mi bin kisim bek yupela;+
Mi stap long klaut i pairap* na mi bekim singaut bilong yupela.+
Mi traim yupela long wara bilong Meriba.*+ (Selah)
8 Ol manmeri bilong mi, yupela harim, mi bai givim strongpela tok long yupela.
Ol Israel, mi laik bai yupela i harim tok bilong mi.+
9 Yupela i no ken bihainim ol narakain god,
Na yupela i no ken brukim skru long god bilong ol arapela lain.+
10 Mi Jehova, mi God bilong yupela,
Mi bin kisim yupela long Isip na bringim yupela i kam.+
Mi bai givim kaikai long yupela inap yupela i pulap tru.+
11 Tasol ol manmeri bilong mi i no laik harim tok bilong mi;
Ol Israel i no laik aninit long mi.+
12 Olsem na mi larim ol i bihainim pasin bikhet bilong ol;
Ol i mekim samting ol i ting i stret long mekim.+
13 Sapos ol manmeri bilong mi i bin harim tok bilong mi,+
Na sapos ol Israel i bin bihainim laik bilong mi,+
14 Orait, kwiktaim mi bai daunim ol birua bilong ol;
Mi bai pait long ol birua bilong ol.+
15 Ol manmeri i heitim Jehova, ol bai pret na guria wantaim na i kam long em,
Na bagarap bilong ol bai i no gat pinis bilong en.