Jop
3 Bihain long dispela, Jop i kirapim tok na i toknogutim de mama i karim em.+ 2 Jop i tok olsem:
3 “Dispela de we mi bin bon i ken bagarap,+
Na dispela nait ol i tok: ‘Wanpela bebi boi i bon!’
4 Dispela de i ken kamap tudak olgeta.
Na God antap i no laik lusim tingting olgeta long dispela de;
Na san i no ken lait long dispela de.
5 Mobeta bikpela tudak i bin karamapim dispela de.
Na blakpela klaut i bin karamapim dispela de.
Na dispela de i ken kamap tudak nogut tru.
6 Mobeta bikpela tudak tru i karamapim dispela nait;+
Na mobeta dispela nait i no gat amamas long en olsem ol arapela de bilong yia,
Na mobeta ol i rausim dispela nait long kalenda na ol i no kaunim wantaim ol de bilong ol mun.
7 Tru tumas! Mobeta i no gat wanpela pikinini i bin bon long dispela nait;
Na i no gat singaut bilong amamas long dispela nait.
8 Larim ol man i mekim tok nogut long dispela nait, ol i ken tok long dispela nait i ken bagarap,
9 Mobeta lait bilong ol sta long dispela nait i no lait;
Mobeta dispela nait i no pinis,
Na mobeta tulait i no bin bruk.
10 Long dispela de mama bilong mi i bin karim mi;+
Olsem na nau mi bungim planti hevi.
11 Watpo mi no bin dai taim mi bin bon stret?
Wai na laip bilong mi i no laik lus taim mi lusim bel bilong mama?+
12 Wai na mama bilong mi i slipim mi antap long lek bilong em
Na givim susu long mi?
14 Olsem ol king bilong graun na ol edvaisa bilong ol,
Em ol i bin wokim ol ples bilong ol em nau i bagarap i stap,
15 O olsem ol prins* em ol i gat gol em ol i bin dai pinis na malolo i stap,
Na haus bilong ol i pulap long silva.
16 O, wai na mi no laik wankain olsem bebi i lus long bel bilong mama,
O wai na mi no laik i dai paslain long mi bon?
17 Long ples bilong ol man i dai pinis, ol man nogut i no inap mekim pasin nogut moa;
Long dispela ples ol man skin bilong ol i les, ol i malolo gut.+
18 Long dispela ples ol kalabusman i save stap isi wantaim;
Ol i no save harim moa nek bilong man i fosim ol long mekim wok.
19 Long dispela ples, maski man i gat biknem o man nating, olgeta i wankain tasol,+
Na sleiv i no stap aninit moa long bosman bilong em.
20 Wai na God i givim lait long ol man i karim pen na hevi
Na wai na em i givim laip long ol man i gat bikpela hevi?+
21 Watpo ol man i laik tru long i dai, tasol ol i no i dai,+
Maski ol i wok strong moa long painim dai winim ol samting i dia tumas i stap hait?
22 Ol i amamas moa yet,
Na taim ol i painim matmat ol i belgut.
23 Wai na God i givim lait long man i paul long rot,
Em man God i banisim olgeta rot bilong em?+
24 Mi no save kaikai. Bel bilong mi i krai tasol,+
Na singaut na krai bilong mi+ i olsem wara i pairap strong na ran i go.
25 Long wanem, samting mi no ting bai kamap long mi, i kamap long mi,
Na samting mi pret long en i painim mi.
26 Mi no gat bel isi, na mi no inap sindaun isi na malolo. Nogat tru.
Oltaim trabel tasol i save kamap long mi.”