Pasin Bilong Lotuim God Giaman i No Inap Helpim Man
Long 1986 wanpela niusman (William Murray bilong nius The New Yorker) em i go long wanpela liklik ples long Itali, em olpela ples bilong kisim pis, nem bilong en Sperlonga. Wanpela moningtaim em i stap long ples bilong dring kopi na em i bungim wanpela man i gat olsem 50 krismas, nem bilong em Fernando De Fabritiis, em mama i bin karim em long dispela liklik ples. Tupela i stori wantaim na nau Fabritiis i kolim wanpela stori em i bin harim taim em i liklik yet.
Em i tok: “Wanpela man i gat lain diwai pear, tasol wanpela diwai i no karim kaikai, olsem na em i katim pundaun na baim i go long wanpela kamda. Kamda i kisim dispela diwai na sapim piksa bilong Santu Josep na givim long haus lotu long ples. Wanpela Sande papa bilong diwai i go long haus lotu na em i lukim olgeta manmeri i brukim skru na beten long dispela piksa. Em i no laik beten long en. Em i save, dispela piksa em i diwai nating. Em i tokim ol: ‘Sapos dispela diwai i no inap karim wanpela kaikai, olsem wanem bai em i kamapim wanpela mirakel?’ ”
Stori bilong dispela man i kain olsem tok piksa God Jehova i bin mekim bilong lainim ol Israel bilong bipo olsem pasin bilong lotuim piksa o god giaman i no inap helpim ol. Kisim Baibel bilong yu na kaunim stori bilong dispela long Aisaia 44:14-20.