Pes 2

“SAPOS yumi tilim olgeta manmeri bilong graun i go long 5-pela lain, wanpela lain em ol yangpela i gat 15 krismas na i go inap 24 krismas.” Wanpela nius (UN Chronicle) i tok olsem. Ol i tok, long kirap bilong yia 1990, i gat wan tausen milion yangpela ol i stap! Olsem na ol yangpela long nau ol i bikpela lain tru na ol man i mas tingim ol dispela strongpela lain.

Wanpela nius (Psychology Today) i kamapim ripot bilong wanpela lain em ol i laik save long tingting bilong ol yangpela na ol i toktok wantaim 6,000 yangpela bilong 10-pela kantri. Dispela lain i tok, ol dispela yangpela i bilong kain kain lain na ol i gat kain kain sindaun, tasol tingting bilong ol na ol samting ol i ting i bikpela samting i olsem wankain. Olsem na yumi inap save long tingting bilong ol yangpela bilong olgeta hap​—i olsem yumi lukim piksa bilong wanpela na nau yumi save long pes bilong olgeta narapela! Orait nau mipela laik kamapim sampela tingting samting bilong ol na ating bai yu kirap nogut long en.