Taim Bubu Bilong Em i Dai

Long yia i go pinis wanpela mama long hap bilong Vejinia, long Amerika, em i raitim wanpela pas na em i tok: “Long mun i go pinis, papa bilong mi i dai. Em i stap longwe long mipela, tasol laspela pikinini man bilong mi i save poroman gut wantaim bubu bilong em. Taim mi tokim em olsem bubu bilong em i dai pinis, em i bel hevi na em i kirap long krai nogut tru.

“Kwiktaim mi wok long painim dispela liklik nius, nem bilong en I Gat Gutpela Samting Bai Painim Ol Man i Dai Pinis? Taim mi painim pinis, mi wok long kaunim tok bilong en long pikinini. Taim mi kaunim pinis, em i stap bel isi. Mi laik tok tenkyu tru long ol gutpela tok bilong dispela nius​—tok bilong en i helpim mi tru long dispela taim bilong hevi.”

Sapos yu laik kisim dispela liklik nius wantaim sampela liklik nius moa, raitim nem na atres bilong yu long hap pepa i stap daunbilo na salim i kam.

Mi laik kisim dispela liklik nius nem bilong en I Gat Gutpela Samting Bai Painim Ol Man i Dai Pinis? na mi laik kisim sampela liklik nius moa. (Sapos yu stap ausait long P.N.G. na yu laik kisim sampela save moa, raitim pas long ofis bilong “Watch Tower.” Lukim ol atres long pes 5.)