‘Samting Yupela Autim, Yupela i Bihainim’

Ol Witnes Bilong Jehova i gat haus brens long klostu 100 kantri. Long 1991 wanpela man bilong Bikon Be long Saut Afrika em i salim pas long haus brens bilong Saut Afrika, na em i tok tenkyu olsem:

‘Mi no wanpela Witnes, tasol mi save kaunim nius Wastaua na Kirap! olgeta taim. Mi amamas tru long kaunim ol dispela nius. Ol i no nius nating na ol i kamapim klia kain kain stori.

‘Mi ting ol stretpela lo na pasin ol Witnes i bihainim i bikpela samting. Mi save samting yupela i bilip long en, yupela i save bihainim. Mi no save long narapela lotu i save mekim olsem.’

Long dispela taim nau wok bilong ol Witnes Bilong Jehova i go bikpela tru, olsem na 30 haus brens bilong ol long olgeta hap graun i save prinim nius Wastaua na Kirap! Long 1991 ol dispela haus brens wantaim i bin prinim klostu 700 milion nius Wastaua na Kirap!​—klostu 16 milion bilong olgeta nupela nupela Wastaua na 13 milion samting bilong olgeta nupela nupela Kirap!

Sapos yu laik kisim sampela save moa o yu laik bai wanpela man i lainim yu long tok bilong Baibel long haus bilong yu yet, no gat pe, salim pas na toksave long I.B.S.A., Box 636, Boroko, N.C.D., o lukim atres i stret long yu long pes 5.