“Dispela Em i Wanpela Buk Mi Laik Kaunim”

Jessica i gat 16 krismas na em i save skul long wanpela haiskul long biktaun Nu Yok. Em i salim pas long Kirap! na tok: ‘Mi gat wanpela tisa na i no gat tru wanpela i laikim em. Em i makim mipela olgeta long klas long redim sampela tok long “Ol Bikpela Lotu.” Grup mi stap long en i mas stori long lotu Islam. Mi no tingting planti, long wanem, mi save i gat wanpela buk bai i helpim mi, em buk Mankind’s Search for God. Olsem na mi wok strong long raitim gut stori bilong dispela lotu.

‘Long de grup bilong mipela i mas kamapim stori, tisa i kros na singaut na katim tok bilong ol sumatin, olsem na mi pret liklik. Taim mi mas kamapim tok bilong mi, mi stori long ol wanklas long sampela bikpela samting bilong lotu Islam. Mi larim ol wanklas i lukim buk Mankind’s Search for God na mi tokim ol long lukim ol piksa long pes 286 na 289. Taim tisa i lukim dispela buk em i katim tok bilong mi na tok: “Em buk bilong yu? Mi inap holim?” Mi tok: “Mi inap kisim wanpela bilong yu yet sapos yu laik.” Nau pes bilong em i lait na em i tok: “Gutpela tru. Ating dispela em i wanpela buk mi laik kaunim.” Mi kirap nogut tru na bel bilong mi i meknais hariap, olsem na mi no inap kamapim gut ol narapela tok, maus bilong mi i hevi.

‘Tisa i givim mi bikpela mak 95 long dispela stori bilong mi. Mi tok tenkyu long Jehova na long yupela ol brata tu long redim dispela gutpela buk.’

Sapos yu laik kisim sampela save moa long wanpela stori dispela nius i bin kamapim o yu laik bai wanpela man i lainim yu long tok bilong Baibel long haus bilong yu yet, no gat pe, salim pas na toksave long I.B.S.A., Box 636, Boroko, N.C.D., o lukim atres i stret long yu long pes 5.

[Piksa long pes 32]

MANKIND’S SEARCH FOR GOD