God i Tingim Yumi?

Bilong wanem em i larim hevi i stap?

Bihain bai ol  hevi i pinis?

Em ol gutpela askim, a? Ol dispela askim i stap long skin bilong wanpela liklik buk ol Witnes Bilong Jehova i bin wokim. Olsem wanem? Yu bin kaunim? Dispela liklik buk i bin mekim gut bel bilong planti man na helpim ol long wetim gutpela samting bai kamap bihain. Wanpela meri long Filadelfia, long Amerika, i stori long dispela liklik buk long pas bilong em na em i tok:

‘Mi ting i no gat rot bilong kamapim ol gutpela gutpela tok i sutim bel bilong mi olsem. I olsem mi bin stap long wanpela rum tudak na wantu lait i kamap. Mi kisim save olsem, “Tru tumas, God i save tingim yumi!”

‘Mi bin tingim na laikim tru ol samting bilong saiens. Olsem na sapos mi bin harim ol tok, o kaunim ol stori, o lukim piksa wokabaut long ol samting bilong saiens, ol i save helpim mi sapos mi bel hevi. Tasol tok bilong dispela liklik buk i bin helpim mi moa yet, na long gutpela pasin sori em i sutim tru bel bilong mi.

‘Namba wan samting i save pulim ai bilong man em skin bilong en, long wanem, em piksa tru bilong man na meri na pikinini. I olsem pes bilong wan wan i kamapim dispela askim​—“Tru God i Save Tingim Yumi?” Pes bilong ol i kamapim tingting bilong yumi olgeta man long nau.

‘I no hatwok long kisim gut tok bilong dispela liklik buk. Em i kamapim ol bikpela tok na ol tok i klia na stret long tingting bilong mi. Em i no hatwok long kaunim. Mi amamas long kaunim, olsem na mi no laik putim i stap, mi laik kaunim i go i go.’

Sapos yu laik kisim sampela save moa, raitim pas long I.B.S.A., Box 636, Boroko, N.C.D., o lukim atres i stret long yu long pes 5.

[Piksa long pes 32]

TRU GOD I SAVE TINGIM YUMI?

Sapos olsem, bilong wanem em i larim hevi i stap?

Bihain bai ol  hevi i pinis?