Bilong Mekim Gut Bel Bilong Man i Stap Bel Hevi

Long 1992 ol Witnes Bilong Jehova i bin wokim wanpela liklik nius i gat 6-pela pes na em i stori long dispela het-tok antap. Nius i no gat planti tok, tasol em i kamapim gutpela tok bilong helpim ol man i stap bel hevi na ol i ken save, Baibel i nambawan rot bilong mekim gut bel bilong man i bel hevi. Nius i kamapim planti tok bilong Baibel bilong helpim ol man i bel hevi.

Long Oktoba 1992, wanpela man i bin telefon long brens-ofis bilong ol Witnes Bilong Jehova long Rom, Itali. Em i tok: ‘Mi laik tok tenkyu long liklik nius i stori long bel hevi. Nau tasol mi kisim, olsem na mi laik telefon na tok tenkyu long yupela. Mi no bin kaunim wanpela tok bilong strongim bel bilong mi long ol buk samting bilong ol dokta. Olsem na mi laik tok amamas long yupela, long wanem, liklik nius i no gat planti rait, tasol em i kamapim ol gutpela tok.

‘Taim mi kaunim liklik nius, aiwara i kamap. Mi laik strongim yupela long mekim yet wok bilong yupela. Wok yupela i mekim i bikpela wok, na yupela i mas mekim long Itali olgeta na long graun olgeta.’

Sapos yu laik kisim wanpela bilong dispela liklik nius, Bilong Mekim Gut Bel Bilong Man i Stap Bel Hevi, o yu laik kisim sampela save moa, raitim pas long IBSA, Box 636, Boroko, N.C.D., o lukim atres i stret long yu long pes 5.