Samting Bilong Helpim Ol Man i Sot

Planti manmeri i gat gutpela tingting long helpim o mekim gut long ol narapela man. Tasol ol i ken givim wanem kain helpim long ol man? Long Oktoba 1992, wanpela man i salim pas i go long brens-ofis bilong ol Witnes Bilong Jehova long Netelan na tokim ol em i laik helpim sampela man.

Em i tok: ‘Long Sarere i go pinis wanpela i givim liklik nius long mi, nem bilong en: Gutpela Sindaun Long Nupela Taim. Mi ting i no hatwok long kisim save long dispela liklik nius na nius i kamapim klia gutpela tok. Mi ting dispela nius i gutpela long ol manmeri i gat ol bikpela hevi, na long ol man i laik bai wanpela i helpim ol, na long ol man i amamas long kaunim kain liklik nius olsem.

‘Olgeta taim klostu long skul bilong mi long Rotadam i gat sampela man i sindaun nabaut. Em ol rabisman, na man bilong dring, na man bilong kisim ol drak. Mi laik kisim sampela liklik nius long yupela na mi inap givim long ol dispela man. Mi no ken subim ol long kisim dispela liklik nius. Mi ting taim mi wokabaut klostu long ol, mi ken givim samting long ol mi save amamas long en.

‘Mi laik yupela i ken helpim mi long mekim dispela samting. Na mi laik bai wok bilong yupela i ken kamap gutpela!’

Ol Witnes Bilong Jehova i givim bel long helpim ol man long lain long ol samting God i laik mekim. Sapos yu laik kisim wanpela bilong dispela liklik nius mipela i stori pinis long en, o yu laik bai wanpela i kam lukim yu long haus na lainim yu long ol tok bilong Baibel, no gat pe, orait raitim pas long IBSA, Box 636, Boroko, N.C.D., Papua New Guinea, o lukim atres long pes 5 em i stret long yu.

[Piksa long pes 32]

Gutpela Sindaun long Nupela Taim