“Gutpela Presen Bilong Olgeta Man”

Em tok bilong wanpela man bilong Swiselan em i gat 82 krismas, na em i stori long buk Nambawan Man Tru i Winim Olgeta Narapela Man. Ol i bin wokim dispela buk namba wan taim long 1991, na insait long 133 sapta bilong en, em i stori long olgeta samting Jisas i bin mekim taim em i stap long graun, olsem 4-pela Gutnius i stori long en. Bilong wanem dispela man i amamas tru long en?

Em i tok: ‘Dispela buk i gutpela tru bilong kaunim. Ol i raitim gut na i gat gutpela rait bilong en. Planti narapela buk i no olsem.’ Man hia i kirap nogut tu long ol 200 samting piksa bilong buk em ol i gat kala kala. Em i tok: ‘Ol i stret tru long ol stori.’ Na em i tok moa, ‘Taim ol i wokim han o wokim pes olsem wanem, em i luk olsem samting tru​—i no olsem piksa tasol. Na ol kala tu i gutpela.’

Dispela lapun i ting i gutpela sapos ol man i givim dispela buk long ol narapela olsem presen. Em i tok, ‘Dispela buk i gutpela tru bilong skulim ol man, na em i gutpela presen bilong givim long olgeta man.’ Mipela i wanbel long dispela tok.

Sapos yu laik kisim wanpela buk Nambawan Man Tru i Winim Olgeta Narapela Man, o yu laik bai wanpela i ken kam lukim yu long haus na lainim yu long ol tok bilong Baibel, no gat pe, orait raitim pas long IBSA, Box 636, Boroko, N.C.D., Papua New Guinea, o lukim atres i stret long yu long pes 5.

[Piksa long pes 32]

NAMBAWAN MAN TRU I WINIM OLGETA NARAPELA MAN