“Ol i Save Mekim Mi i Amamas”

‘BIPO mi no bin raitim pas long yupela, tasol mi pilim olsem mi mas tok tenkyu long yupela long ol planti stori yupela i bin raitim long Wastaua na Kirap!​—ol i sutim bel bilong mi na i helpim mi tru.

‘Kirap long 1974 mi save kaunim ol dispela nius, na kirap long dispela taim na i kam inap nau ol i save skulim mi na strongim mi. Ol i save mekim mi i amamas. Planti taim mi save bel hevi, tasol sapos mi kaunim tasol wanpela bilong ol dispela nius, bel na tingting bilong mi i wok long senis na kamap gutpela. Na planti taim wanpela stori i bin helpim mi long mekim pasin i stret long ol narapela na pilim tru tingting bilong ol, winim long pastaim. Na ol i bin helpim mi long save gut long pasin bilong mi yet.

‘Planti stori i bin kamap long 1993 i stret tru bilong helpim mi, olsem ol stori long “Ol Meri​—i Stret Yumi Litimapim Nem Bilong Ol” [Kirap! Epril 8, 1993], na “Samting Bilong Helpim Man Bilong Dring na Famili” [Kirap! Mas 8, 1993]. Mama bilong mi i dai paslain liklik long ol stori “Taim Wanpela Bilong Yumi i Dai” i kamap long Kirap! Me 8, 1993, na dispela i bin helpim mi tru.

‘J. A., long Not Karolaina, Amerika.’

Sapos yu laik kisim sampela save moa long ol dispela nius bilong Baibel, go lukim ol lain Witnes Bilong Jehova long wanpela Haus Kingdom klostu long yu, o raitim pas i go long lain i wokim ol dispela nius. Lukim atres i stret long yu long pes 5.