Helpim Famili Long i Stap Amamas

TAIM wanpela sikmeri long Saut Karolaina, long Amerika, i salim liklik nius Amamas Wantaim Famili Bilong Yu long wanpela nes i bin lukautim em, nes i telefon na tok tenkyu long em. Nes i tok em i bin soim nius long man bilong em na tupela i kaunim wantaim na pilim tru tok bilong en. Tupela i kirap nogut i gat gutpela samting olsem bilong helpim ol famili.

Sikmeri i tok: “Nes i tokim mi, ol dispela tok i stret tru long ol samting em wantaim man bilong em i bin toktok long en bilong helpim famili, tasol tupela i no save i gat kain nius olsem i stori long dispela samting. Na em i tokim mi, em i save karim dispela nius i go wantaim em long olgeta hap na kaunim kaunim. Em i tok, sapos mi gat sampela samting moa bilong helpim famili em i laik lukim.”

Sikmeri i salim buk Rot Bilong Kamapim Amamas Insait Long Famili long nes, na em i stretim tok wantaim nes long i go lukim em na toktok wantaim em long ol tok bilong dispela buk. Ating yu tu yu laik kisim sampela save long rot bilong helpim famili bilong yu long i stap amamas moa. Sapos yu laik kisim liklik nius Amamas Wantaim Famili Bilong Yu na buk Rot Bilong Kamapim Amamas Insait Long Famili, o yu laik bai wanpela man i lainim yu long tok bilong Baibel long haus bilong yu yet, no gat pe, salim pas long IBSA, Box 636, Boroko, NCD 111, Papua New Guinea, o lukim atres i stret long yu long pes 5.