“Aiwara i Ran i Go Daun Long Pes Bilong Mi”

“Nau tasol mi opim Kirap! bilong mi bilong Oktoba 8, 1995, na kaunim stori i stap long laspela pes bilong en em i stori long buklet Taim Wanpela Long Famili i Dai. Dispela stori i gat het-tok ‘I Hatwok Tru Long Mi Taim Em i No Stap.’ Taim mi wok long kaunim ol tok bilong yangpela man bilong Ostria em papa bilong em i bin dai 10-pela yia i go pinis, aiwara i ran i go daun long pes bilong mi. Mi gat 50 krismas na papa bilong mi i bin dai taim mi gat 7-pela krismas. Em i dai long sik kensa taim em i gat 39 krismas. Sikspela yia i go pinis, bikpela bel hevi i kisim mi na mi go slip long haus sik na kirap long dispela taim tasol mi pilim hevi long dai bilong papa. Inap 5-pela yia nau mi bin kisim sampela marasin samting na mi bin lain long karim sampela hevi i hatwok tru long karim.

“Inap long taim mi kaunim dispela pas bilong Ostria, mi ting olsem wanpela samting i rong tru long mi o long bilip bilong mi. Mi ting mi wanpela tasol i gat dispela bikpela hul insait long mi na bikpela pen bilong i stap wanpis taim mi tingim papa. Mi bin kisim strong tru taim mi bin save olsem ol narapela i pilim wankain hevi olsem bilong mi na i no mi wanpela tasol.

“Mi kaunim olgeta tok i stap long buklet Taim Wanpela Long Famili i Dai. Long tingting bilong mi, em nambawan buklet tru ol man i bin wokim na em i helpim mi.”​—⁠Misis A. G., Konektikat, Yunaitet Stets.

Wanpela em yu save laikim tumas i bin i dai? Yu laik kisim sampela tok bilong strongim yu tru i kam long Baibel? Orait, raitim pas long IBSA, Box 636, Boroko, NCD 111, Papua New Guinea, o lukim atres em i stret long yu long pes 5.