“Bilong Tok Tenkyu”

Wanpela yangpela sumatin bilong Japan i laik kamapim dispela tok. Em i tok olsem em i kisim ol nambawan prais long skul, long wanem, ol stori em i raitim em i bin kaunim insait long Kirap!

Em i tok, “Paslain long mi raitim ol stori bilong mi bilong skul, mi bin putim ol dispela magasin i stap nating long haus, mi no kaunim na putim ol dispela tok long kru bilong mi. Taim mi tingim olsem wanem ol dispela magasin i bin helpim mi, mi tok long mi yet olsem: ‘Dispela em ol magasin mi no bin kaunim.’ Mi bel hevi long dispela pasin mi bin mekim. Kirap long dispela taim, mi bin kaunim ol dispela magasin olsem mi mas mekim.”

Long kamapim tok amamas bilong em, dispela sumatin i tok moa olsem: “Ol dispela magasin i helpim mi tru long karim ol kain kain traim i painim mi long skul. Tenkyu tru long kamapim ol kain gutpela stori olsem long olgeta taim. Mi bai amamas long wet yet long kisim ol dispela magasin.”

Olgeta taim Kirap! i save kamapim ol stori i save helpim ol yangpela long winim ol hevi i painim ol long haus na long skul. Sapos yu laik kisim wanpela Kirap!, o yu laik wanpela i kam long haus bilong yu yet bilong helpim yu long painim sampela tok bilong Baibel em inap helpim yu long stretim ol hevi bilong yu, raitim pas long IBSA, Box 636, Boroko, NCD 111, Papua New Guinea, o lukim atres long pes 5 i stret long yu.