Yu Gat Wanem Save Long Jisas?

Wanpela lapun meri long Yunaitet Stets i gat 84 krismas, em i kaunim buk Nambawan Man Tru i Winim Olgeta Narapela Man, em buk i gat 448 pes na i gat ol gutpela piksa na i stori long i stap bilong Krais Jisas, na em i tok olsem: “Mi bin kaunim Baibel olgeta inap sampela taim, na buk Nambawan Man i bin helpim mi long save gut long ol tok mi kaunim long Baibel.” Dispela buk i mekim na lapun i pilim tru ol stori bilong Jisas long Baibel.

Em i tok: “Mi no save les long kaunim dispela buk. Mi bin kaunim buk inap sevenpela taim pinis na mi kirap long kaunim gen. Bel bilong mi i pilim tru ol gutpela pasin bilong Jisas. Taim mi kaunim ol sapta i stori long laspela wik bilong Jisas long i stap long graun, mi save bel hevi tru long ol samting nogut ol i bin mekim long em, na bel bilong mi i save hevi moa yet long ol samting i bin painim em long laspela nait bilong em, na long i dai bilong em long diwai pos. Tasol maski ol dispela samting i painim em, em i bin litimapim nem bilong Papa bilong yumi long heven, em Jehova.”

Long buk Nambawan Man Tru i Winim Olgeta Narapela Man, ol i bin wok strong tru long kamapim olgeta stori bilong ol samting Jisas i bin mekim taim em i stap long graun, olsem fopela Gutnius i kamapim. Buk inap helpim yu long save moa long Jisas. Sapos yu laik kisim wanpela buk o yu laik stadi long Baibel, no gat pe, raitim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.