Wanpela Nait Yu Mas Tingim

SANDE, MAS 23, 1997

LONG nait paslain long em i dai, Krais Jisas i bung wantaim ol aposel bilong em, na em i kirapim bung bilong tingim i dai bilong em. Long taim bilong kaikai, Jisas i kisim wain na bret i no gat yis bilong makim ofa bilong em, na em i tok: “Yupela i mas mekim olsem bilong tingim mi.”​—⁠Luk 22:⁠19.

Ol Witnes Bilong Jehova i laik singautim yu long bung wantaim ol bilong tingim dispela samting. Long dispela yia, bung bai kamap bihain long taim san i go daun pinis long Sande, Mas 23. Dispela det i wankain olsem Nisan 14 long kalenda bilong Baibel. Plis askim ol Witnes Bilong Jehova long hap bilong yu long ples na taim stret bilong dispela bung.