“Em Namba Wan Buk Em i Bin Kaunim”

Ol Witnes Bilong Jehova long Yukren i save toktok planti taim wantaim ol man i sindaun wetim tren. Wanpela meri i amamas long harim tok bilong Baibel em i kisim wanpela Baibel Stori Buk Bilong Mi, em wanpela buk i save mekim wok long planti gutpela piksa na i kamapim stori bilong Baibel olsem: Samting i kamap pastaim em i stori pastaim long en, na samting i kamap bihain, em i save stori long en bihain.

Bihain, dispela meri i bungim gen dispela Witnes long wankain ples bilong kisim tren na i tok tenkyu long em long buk, em i tok: “Pikinini man bilong mi i no laik stadi long ol buk bilong em bilong skul. Em i no kaunim ol liklik. Tasol taim mi givim em dispela buk Baibel Stori, em i lukim ol piksa na em i gat strongpela laik tru long kaunim. Em i kaunim buk olgeta insait long tupela wik. Em namba wan buk em i bin kaunim. Tasol bikpela samting tru, em i amamas long kisim save long God. Na mi yet mi amamas long lukim pasin bilong em i senis. Plis givim mi sampela samting moa bilong kaunim.”

Narapela meri i sanap klostu na harim dispela stori, em i tokim Witnes, em i laik kisim wanpela Baibel Stori Buk Bilong Mi. Yu tu inap kisim dispela buk i gat 256 pes o wanpela Witnes i ken kam long haus bilong yu na toktok wantaim yu long ol bikpela tok bilong Baibel. Yu ken raitim pas long IBSA, Box 636, Boroko, NCD 111, Papua New Guinea, o salim pas long atres i stap long pes 5.