Em i Helpim Ol na Ol i No Tok Pait Moa

Wanpela manki i gat 11-pela krismas, long Kalifonia, Yunaitet Stets, em i raitim pas long ol Witnes Bilong Jehova long Bruklin, Nu Yok, olsem:

“Mi laikim ol buk bilong yupela. Namba wan buk mi laikim tru em The Secret of Family Happiness. Paslain long mipela i kisim dispela buk, mitupela susa bilong mi i no save malolo long tok pait. Wanpela taim mipela i kirap long stadi long dispela buk, na mipela i luksave olsem mipela i no mekim ol samting em God i laik mipela i mas mekim.

“Dispela buk i helpim tru mipela. Mi amamas tru long en, na mi laik strongim ol famili long kaunim dispela buk, long wanem, em i gutpela buk tru. Dispela buk i helpim mipela long painim bel isi na amamas insait long famili.”

Buk The Secret of Family Happiness i gat 192 pes na i kamapim ol gutpela tok bilong helpim famili. Olsem: “Protect Your Family From Destructive Influences,” “Maintain Peace in Your Household,” na “You Can Overcome Problems That Damage a Family.”

Sapos yu laik bai wanpela i kam long haus bilong yu na stadi wantaim yu long Baibel, no gat pe, orait yu ken raitim pas long IBSA, Box 636, Boroko, NCD 111, Papua New Guinea, o lukim atres i stap long pes 5 i stret long yu.