Mipela Laik Singautim Yu i Kam

WINIM 1,900 yia bipo Krais Jisas i stap man long graun na em i dai, na indai bilong em i nambawan bikpela samting long yumi ol manmeri. Dispela i opim rot long kisim laip i stap oltaim long Paradais long graun. Jisas i mekim wanpela bung i no gat ol bilaspasin bilong lotu long en​—⁠em i kisim wain na bret i no gat yis i makim ofa bilong em. Bihain em i tokim ol disaipel: “Yupela i mas mekim olsem bilong tingim mi.” (Luk 22:19) Bai yu tingim em?

Ol Witnes Bilong Jehova i laik singautim yu i kam bilong bung wantaim ol bilong tingim indai bilong Jisas. Ol bai mekim dispela bung taim san i go daun pinis long de i olsem de 14 bilong mun Nisan long kalenda bilong Baibel. Yu ken bung wantaim ol long Haus Kingdom i stap klostu long haus bilong yu. Askim ol Witnes Bilong Jehova long hap bilong yu long taim stret na ples ol bai bung long en. De bilong mekim dispela bung long dispela yia, em Fonde, Epril 1.